1 | |
HStAOrient5a: 29v bilādı fetḥ ėtmişdür. Baʿdehū Yıldırımuñ baʿżı begleri qaçub // Tīmūr yanına varub Tīmūrı taḥrīk ėdüb Rūma getürdiler. // İki ʿasker Çubuq Ovası nām mevżıʿda buluşub ʿaẓīm // ceng ėdüb Yıldırım Ḫān ġażūb pādişāh olmaġın // ʿaskeri bī‑vefālıq ėdüb inhizām muqarrer olıcaq Şehzāde // Süleymānı alub qaçdılar. Yıldırım Ḫān ġayūr pādişāh olmaġın // firārı iḫtiyār ėtmeyüb Tīmūr üzerine yürüyüb āḫir ʿasker‑i // Tātār qameri hāle iḥāṭa ėder gibi qaplayub Yıldırımı giriftār‑i // dām‑i belā ėdince Tīmūr bir miqdār Yıldırım Ḫāna istiqbāl ėdüb // Yıldırım Ḫān ġażabından Tīmūra mültefit olmayub bi‑l‑cümle // iẓhār‑i maġlūbīyet ėtmeyüb bir miqdār müṣāḥabetden ṣoñra // Yıldırım Ḫān ḥabs olınub āḫir ḥummāʾ‑i muḥriqadan vefāt // ėder. Yıldırım Ḫān İstanbulı tekfūrından isteyüb tekfūr // daḫı yılda on [iki] biñ filūrī ḫarāca rāżī olub // ve İstanbul içinde müselmānlara maḥalle taʿyīn olınub mescidi // yapıldı ve qāżī naṣb olındı. Baʿdehū Tīmūr vaqiʿasında // mescidi yıqub müselmānları Rūm‑ėline sürdi. Müddet‑i // salṭanet 16. Sulṭān Muḥammed Ḫān ibn Yıldırım Ḫān Tīmūr // cenginde on beş yaşında olub Amasya begi idi |